Robaliza

A Robaliza ou Róbalo (Dicentrarchus labrax) é un peixe coñecido tamén en España co nome de Lubina. É unha especie de peixe perciforme da familia Moronidae. A súa talla é, con todo, inferior, a súa carne posúe unha textura suave e un sabor agradable.

É propia do mar Mediterráneo e o océano Atlántico, desde as costas africanas (Senegal) ata Noruega. Atópase nas costas rochosas dos areais, as desembocaduras dos ríos e sobre todo os portos, dársenas, pantaláns e diques. Este achegamento á costa adoita ser maior nos meses de calor, afastándose no inverno. Os exemplares novos viven en bancos, volvéndose solitarias cando se fan maiores. A profundidade na que se pode atopar é de 0 a 15 metros.

É moi voraz e aliméntase de crustáceos vermes, peces, ourizos de mar e outros animais mariños.

Este peixe é moi apreciado polo seu valor culinario e na pesca deportiva. Atópase dentro do grupo dos peixes brancos debido ao seu baixo contido graxo, 100 gramos de porción comestible conteñen 1,3 gramos de graxa.