Pescada con ameixas

Preparación

Lavamos as ameixas e metémolas en auga fría con sal para que solten a area que puidesen ter.

Pelamos o allo e a cebola, e picámolos.

Nunha pota baixa, pero ancha de forma que nos collan os 4 toros (tamén vale tixola con tapa), poñemos tres ou catro culleradas de aceite e rehogamos uns 4 min. a lume medio a cebola e o allo.

Agregamos entón a fariña e removemos ben para que se xunte. Botamos o viño sen deixar de remover e levantamos o fervor.

Colocamos os toros de pescada, previamente salpimentadas, e as ameixas. Cociñar 5 min. a lume medio.

Cortamos o perexil fino e agregámolo. Dámoslle un minuto máis de cocción e rectificamos de sal.

Ingredientes

Para 4 persoas:

• 1 kg. de pescada en toros ou lombos (aproximadamente 250 grs. por persoa)
• 200 gr. ameixas
• 1 cebola
• 2 dentes de allo
• 1 vaso viño branco
• Aceite de oliva
• 1 cullerada de fariña
• 1 rama de perexil
• Sal